P22.4M Super Lotto jackpot: Davaoeño gikubra na ang katunga niini
Gikubra na sa usa ka lucky bettor ang iyang premyo human nidaug kini sa P22.4 million jackpot sa Super Lotto 6/49 nga gibola niadtong Abril 29, 2025.
Usa ka trabahante gikan sa Davao City ang swerte nga nidaug sa Super Lotto 6/49 nga nakatag-an sa nidaug nga mga numero nga 24-02-10-09-25-05.
Basaha Pod Ni: P331-M jackpot sa Grand Lotto 6/55 solong napanalunan, tumaya sa Mandaluyong
Nakuha niya ang katunga sa P22,432,132.60 jackpot prize. Ang winning ticket niini kay gikan sa lotto outlet sa usa ka mall sa Davao City.
Matud pa sa lotto winner, base sa interview sa iyaha sa PCSO, nga niadto pang 2022 niya gipustahan ang maong numero base sa mga petsa sa mga adlaw nga natawhan sa miyembro sa iyang pamilya.
Basaha Pod Ni: P64.7M Megalotto Jackpot: Ticket sold in Laguna wins it
Sa pangutana kung unsaon niya paggamit o paggasto ang iyang nadaug nga milyones, nitubag kini nga, “Sa ngayon po hindi ko pa naiisip, kung ano ang gagawin ko sa aking napanalunan kaya pansamantala ipapasok ko muna sa bangko.”
Ang Super Lotto 6/49 kay gibola sa PCSO kada Martes, Huwebes ug Sabado.
Para makubra ang premyo, kinahanglan moadto ang nakajackpot sa opisina sa PCSO sa Mandaluyong City ug dad-on nila ang winning ticket ug duha ka valid ID.
Basaha Pod Ni: Davaoeño kinubra na ang kalahati ng P22.4-M jackpot sa Super Lotto 6/49
Gipahinumduman og usab ang publiko sa PCSO nga ang tanan nga premyo makuha lang sud sa usa ka tuig gikan sa Petsa sa pagbola ug kung di man gani makubra kini makuha sa maong panahon kay mahug kini ngadto sa kawanggawa o charity.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
