Freddie Aguilar gilubong dayon subay sa Islamic rites
via Bandera
CEBU CITY, Philippines– Gilubong dayon si OPM legend Freddie Aguilar, kilala usab isip si Abdul Fareed, subay sa Islamic rites sa Manila Islamic Cemetery niadtong Mayo 27, 2025.
Isip usa ka Muslim, gilubong siya sulod sa 24 oras pagkamatay, uban ang tradisyonal nga Islamic burial nga naglakip sa ghusl, kafan, ug Salat al-Janazah. Wala sab siya gibutang sa lungon.
Basaha Pod Ni: Freddie Aguilar patay sa edad nga 72
Gipahibalo sa Muntinlupa City Muslim Affairs Office ug Balik-Islam Consultative Assembly nga namatay si Brother Abdul Fareed sa edad nga 72. Nahibilin niya ang asawa nga si Jovie ug ilang mga anak.
Si Ka Freddie nagsugod isip street musician sa Maynila ug Olongapo. Nasinati niya ang kadungganan pinaagi sa iyang mga makabayan ug makahuluganon nga kanta sama sa “Anak”, “Bayan Ko”, “Mindanao”, ug “Pulubi”.
Basaha Pod Ni: Freddie Aguilar died of multiple organ failure, says ex Josephine Quiepo
Ang “Anak” nahimong international hit, nga gitranslate sa 29 ka lengwahe, ug giila isip best-selling Philippine music record. Sa 1986, ikaduhang Asian artist siya nga adunay pinakadakong album sales sa kalibutan.Gipasidunggan siya sa Asia Star Award sa Korea niadtong 2008. Natawo siya niadtong Pebrero 5, 1953, sa Santo Tomas, Isabela, ug adunay upat ka anak sa iyang unang asawa.
Padayon nga mabuhi ang iyang musika ug mensahe, usa ka pamana nga magapadayon sa kasingkasing sa katawhan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
